Paketa Hoteleri & Restorant
Dhomat, salla, kuzhina dhe kontabiliteti — në një sistem të vetëm.
Verto Business i konfiguruar për hotele, restorante dhe komplekse me shumë shërbime. Nga check-in-i te bono e kuzhinës, te mbyllja e turnit dhe librat e TVSH-së.
Premium · e ndërtuar sipas biznesit tuaj. Çmimi nuk publikohet: e studiojmë biznesin dhe ju dërgojmë ofertën me shkrim.

Kjo paketë u ndërtua dhe u pilotua në një biznes hotelerie në 2026 (piloti përfundoi).
Një ditë në një hotel-restorant
Si rrjedh një ditë pune në Verto. Çdo hap ushqen tjetrin.
- 08:00Recepsioni: dhomat dhe check-in
- Recepsionisti sheh statusin e çdo dhome, bën check-in dhe check-out. Shërbimet e mysafirit faturohen në të njëjtin sistem.
- 12:30Kamarieri merr porosinë në tavolinë
- Plani i sallës tregon tavolinat e lira dhe të zëna. Kamarieri hap tavolinën nga telefoni ose tableti dhe shton porosinë.
- 12:31Kuzhina dhe bari e shohin menjëherë
- Porosia shfaqet live në ekranin e kuzhinës ose të barit, ose printohet si bono. Porositë që presin më gjatë dallohen me ngjyrë.
- 16:00Banaku shet me POS-in e shpejtë
- Për kafenë, minimarketin ose shitjet e shpejta: produkte me prekje ose me skaner barkodi, dhe kupon i printuar.
- 23:00Mbyllja e turnit
- Operatori numëron kartëmonedhat sipas prerjes; Verto i krahason me shitjet e turnit dhe tregon diferencën.
- 23:01Stoku zbret vetë, me kosto
- Çdo pjatë ose pije e shitur zbret stokun dhe regjistron koston e mallrave të shitura me koston mesatare të ponderuar.
- Të nesërmenKontabiliteti dhe TVSH-ja janë gati
- Shitjet e ditës janë kontabilizuar në planin kontabël shqiptar dhe janë në librin e shitjeve. Kontabilisti kontrollon, nuk rishkruan.
Pas sallës
E njëjta bazë si Verto Business. Stok, kontabilitet dhe raporte.
Paketa Hoteleri përfshin gjithçka nga Verto Business: inventar me kosto mesatare, blerje nga furnitorët, paga për stafin, banka, raporte dhe shumë kompani me një hyrje. Shitjet e sallës dhe të recepsionit shkojnë direkt te raportet si këto.

Për komplekset
Më shumë se dhoma dhe sallë. Module shtesë për komplekset me disa shërbime.
- Qiratë
- Makina me qira ose pajisje, me kalendar disponueshmërie dhe rezervime.
- Flota & automjetet
- Regjistri i automjeteve të kompleksit me të dhënat e secilit.
- Pika e karburantit
- Pompat, llojet e karburantit, çmimet, turnet dhe shitjet.
- Kamerat CCTV
- Pamje e kamerave të regjistruesit (NVR/DVR) brenda Verto-s.
Instalimi
Në cloud ose në serverin tuaj. Ju zgjidhni.
Cloud
- Hapet nga shfletuesi, në kompjuter, tablet ose telefon
- Pa server për të mirëmbajtur në lokal
- Përditësime dhe backup nga ne
Server lokal (on-premise)
- Verto punon në një server brenda biznesit tuaj
- Arkat dhe ekranet e kuzhinës flasin me serverin në rrjetin lokal
- Mbështetje dhe përditësime në distancë nga ekipi ynë
Fiskalizimi i integruar është në testim. Nuk është ende aktiv për asnjë klient; kur të lançohet, aktivizohet me certifikatën e biznesit tuaj.
Si e ndërtojmë
Nuk është abonim nga rafti. Është sistemi i biznesit tuaj.
Studiojmë biznesin
Shohim si punoni sot: njësitë, arkat, stokun, stafin dhe librat.
Konfigurojmë modulet
Hapim vetëm ato që ju duhen dhe i përshtatim me rrjedhën tuaj.
Migrojmë të dhënat
Klientët, produktet dhe bilancet hapëse nga Excel ose sistemi i vjetër.
Instalojmë
Në cloud ose në një server brenda biznesit, me arkat, printerat dhe ekranet.
Trajnojmë stafin
Në vend, për çdo rol: recepsion, sallë, kuzhinë, magazinë, kontabilitet.
E mbajmë në punë
Ndjekim operacionet e përditshme dhe ndërhyjmë kur duhet.
Çmimi nuk publikohet, sepse çdo instalim është ndryshe. Pasi njohim biznesin, ju dërgojmë ofertën me shkrim — pa detyrime.
Shikojeni Verto-n në sallë, në kuzhinë dhe në recepsion.
Provoni aplikacionin e vërtetë në demo (POS, kuzhina, dhomat), pastaj na tregoni për biznesin tuaj. E instalojmë, trajnojmë stafin dhe e mbajmë në punë.